«Nur Otan» partiiasynyń janynan qurylǵan Balalar quqyǵyn qorǵaý respýblikalyq keńesi jol kartasy aiasynda barlyq óńirde «Balalarǵa qaýipsiz jáne jaily infraqurylym» baǵdarlamasyn engizýde.
Sonyń aiasynda liýkterdi tekserý, aýlalardy jabdyqtap, jaryqtandyrý, qaýipsiz qozǵalys, aýla dárethanalaryn keń taratý, balalar bar mekemelerge blokatorlar ornatý jumystary júrgizilip jatyr.
Sońǵy ýaqytta balalardyń ashyq qalǵan liýkter, jaryqtandyrylmaǵan, durys jabdyqtalmaǵan aýlalardyń kesirinen zardap shegýi qoǵamda rezonans týdyryp otyr.
– Óńirlerdi aralaǵanda biz qala mańyndaǵy mektepterde sanitarlyq-gigienalyq normalarǵa qaishy aýla dárethanalarynyń bar ekendigine kýá boldyq. Osyǵan súiene otyryp, biz balalar úshin qaýipsiz orta qalyptastyrýǵa erekshe kóńil bóldik, – deidi Balalar quqyǵyn qorǵaý respýblikalyq keńesi tóraǵasynyń orynbasary Dinara Zákieva.
Sondai-aq ol barlyq óńirde «Balalarǵa qaýipsiz jáne jaily infraqurylym» baǵdarlamasy óz jumysyn bastaǵanyn aitty. Onyń ústine, Jol kartasyna sáikes, óńirlik damý josparyna IýNISEF-tiń «Balalarǵa meiirimdi qala» baǵdarlamasynyń parametrleri men talaptary kiredi.
– Biz balalyq shaq jáne otbasyn qorǵaýdyń naqty sharalaryn usynǵan «jol kartalaryna» 14 oblystyń ákimi qol qoiyp, júzege asyra bastady, – dedi «Nur Otan» partiiasy janyndaǵy Balalar quqyqtaryn qorǵaý jónindegi respýblikalyq keńes tóraǵasynyń orynbasary Dinara Zákieva.
Aita keteiik, 2019 jyldyń aqpan aiynda «Nur Otan» partiiasynyń janynan Balalar quqyǵyn qorǵaý jónindegi respýblikalyq keńes quryldy. Keńestiń negizgi mindeti - memlekettik organdar men qoǵamdyq uiymdardy biriktire otyryp, balalardy qorǵaý jáne otbasyn qoldaý júiesin jetildirý.
Keńestiń alǵa qoiǵan maqsaty qazaqstandyq otbasylardyń ál-aýqatyn jaqsartýǵa jáne balalardyń quqyǵyn qorǵaýǵa baǵyttalǵan partiianyń «Baqytty otbasy» jobasy arqyly júzege asyrylady.
