Balalar arasyndaǵy sýitsidtiń sebebi 40 paiyzynda ǵana anyqtalady. Bul týraly Senattaǵy Úkimet saǵatynda Ishki ister ministri Erlan Turǵymbaev málim etti, dep habarlaidy "Ult aqparat".
Ministrdiń aitýynsha, balalardy qorǵaý turǵysynda jeke baǵdarlama ázirlenýi kerek.
«Balalardyń qaraýsyz qalýy jetkinshekterdiń páter terezesinen qulap ketýine alyp keledi. Byltyr osy baǵytta aldyn alý is-sharalaryn uiymdastyrǵan bolatynbyz. Jaz kezinde turǵyndar terezege masa toryn (moskit) ornatady. Balalar bul tordyń salmaq kóterýge arnalmaǵanyn túsinbeidi. Búldirshinderdiń osy torǵa súienip turýy qaiǵyly oqiǵamen aiaqtalyp jatady. Bul turǵyda bizge balalarǵa qatysty qaiǵyly jaǵdailarǵa tosqaýy qoiý maqsatynda jeke baǵdarlama kerek dep oilaimyz», - dedi ministr.
Onyń sózine qaraǵanda, balalar arasyndaǵy ózine-ózi qol jumsaý baǵytynda basqa statistika qalyptasyp otyr.
«Tek 40 paiyzynda balalar sýitsidi sebebin bilip jatamyz. Bul turǵyda ata-analarymen, mekteptegi, sondai-aq turǵyn úi aýlasyndaǵy qarym-qatynas máseleleri bar. Qalǵan 60 paiyz jaǵdaiynda biz bilmei jatamyz, sebebi tiisti málimetter bolmaidy», - dedi ministr.
