QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova balalar arasynda koronavirýsqa shaldyǵý ne sebepti artqanyn túsindirdi, dep habarlaidy QazAqparat.
Onyń aitýynsha, 1 qańtardan bastap 18 jasqa deiingi 12 862 bala aýyrǵan.
«Naýryzda indetke shaldyǵý 5 paiyzǵa artqanyn kórip otyrmyz. Aýrý juqtyrýdyń ósimi oqýshylar arasynda baiqalyp otyr. Bul jaǵdaidyń ózindik sebebi bar, óitkeni 1 naýryzdan tek 1-5, 9-11 synyp balalarynan bólek, basqa da synyptarǵa oqýǵa ruqsat berdik. Sonymen birge, bizdiń óńirlik departamentter bilim berý basqarmalarymen birlese sanitarlyq-epidemiologiialyq talaptardyń oryndalýy boiynsha qadaǵalaýdy qamtamasyz etip jatyr», - dedi Esmaǵambetova.
Sonymen qatar ol balalar arasynda indetke shaldyǵý ósimine qatysty pikir bildirdi.
«Bul rette mektepterde balalardyń áleýmettik bailanystarynyń artýy sebebimen túsindirýge bolady. Taǵy bir zertteý málimetine toqtalǵym keledi, «britandyq» shtamm jastarǵa qatty áser etedi. Iaǵni jastar bastapqy koronavirýsqa qaraǵanda, atalǵan shtammen jii aýyrady», - dedi Esmaǵambetova.
