© Sputnik / Abzal Kaliev
Atyraý qalalyq bilim basqarmasy kópbalaly ana túsirgen video boiynsha túsinikteme berdi, dep habarlaidy Sputnik Qazaqstan.
Áleýmettik jelide taraǵan videoda anasy balasyn túsirip tur. Ústindegi kóilegi ózinen áldeqaida úlken, ony materialdyq kómek retinde bergen.
"Mine, birinshi klasqa dep berilgen jeideleri. Birinshi klasta oqityn bala mundaidy kie me? On oqityn balaǵa berilgen kostiým, razmerin úlken qylyp bergen. Bul byltyrǵy, al bul balalardyń kiimi qyrkúiektiń aiaǵynda keledi", - deidi video avtory.
Qalalyq bilim bólimi 21 Jambyl atyndaǵy orta mekteptiń eki oqýshysyna forma berilgenin rastady. Biraq tiisti ólshem bolmaǵan. Sondyqtan anasyna qarjylai kómekti kútýge usynys jasaldy. Sonda balalarǵa dál keletin kiimdi satyp alýǵa bolady.
"Alaida Venera Nurmoldina mektep formalaryn ólshemi sai kelmese de óz erkimen alyp, qysqartyp alatynyn aityp, qolhat jazǵan. Oblystyq bilim berý basqarmasyna 21 Jambyl atyndaǵy orta mektebiniń direktory Estai Abaiulynan túsinikteme alynyp, ata-analarǵa "Mektepke jol" qaiyrymdylyq aktsiiasy boiynsha túsindirý jumystary júrgizilýde", - deidi mamandar.
Aita keteri, biyl "Mektepke jol" aktsiiasy boiynsha kópbalaly, az qamtylǵan ataýly áleýmettik kómek alatyn otbasy balalaryna qarjylai kómek kórsetilip jatyr. Aktsiia 2022 jylǵy 31 tamyzǵa deiin jalǵasady.
