Qazaqstannyń bilim jáne ǵylym ministrligi Nur-Sultandaǵy balabaqshanyń birinde aýtizmge shaldyqqan balalardy uryp-soqqannan keiin balabaqshalar men tárbieshilerge qoiylatyn talaptardy qatańdatýdy josparlap otyr.
Vitse-ministr Sholpan Karinovanyń aitýynsha, qazir balabaqshada tekserý jalǵasyp jatyr. Tekserý aiaqtalǵannan keiin sáikes shara qabyldanady, dep habarlaidy Sputnik Qazaqstan.
"Ministrlik bul óte kúrdeli jaǵdai ekenin moiyndap otyr. Mundai jaǵdai qaitalanbaýy kerek. Sondyqtan qazir biz balabaqshalarǵa qoiylatyn talaptardy kúsheitý sharalaryn qarastyryp jatyrmyz. Sonymen qatar balabaqshamen birge tárbieshilerge qoiylatyn talaptar da qatańdatylady. Balabaqshalardy tekserý tártibin ózgertýdi josparlap otyrmyz. Balabaqshalarǵa litsenziia berýdi qaitarý qajet bolatyn syńaily", - dedi Karinova senat otyrysynan keiin jýrnalister suraǵyna jaýap berip.
Vitse-ministr qazir talaptardy kúsheitý normalary bilim berý mekemeleri jáne pedagogtarmen talqylanyp jatqanyn aitty.
Eske sala keteiik, 7 sáýirde jelide damý ereksheligi bar balabaqsha tárbielenýshilerine qyzmetkerler kúsh kórsetken video paida boldy. Inkliýzivti balabaqsha quny bir bala úshin aiyna 130 myń teńgeni quraidy, al qosymsha sabaq úshin ata-analar 200 myń teńge tóleidi. Balasyna qalai qaraitynyn bilgen soń, ata-analar balalaryn alyp ketip, politsiiaǵa shaǵymdandy.
