Almaty qalasynyń ákimi Baqytjan Saǵyntaev qaladaǵy dári-dármekter qoryn qalyptastyrý týraly aitty, dep habarlaidy "Ult aqparat".
«Jazda biz qalany dári-dármekpen qamtamasyz etý úshin turaqtandyrý qoryn qurdyq. Biz ony ekige bóldik, dárihanalar jelisine 5 mlrd teńge, aýrýhanalar men klinikalarǵa 5 mlrd teńge bóldik. Dárihanalarǵa da qarajy qarastyryldy. Qańtardyń aiaǵyna deiin 6 aiǵa kelisimshart jasadyq. Osy ýaqyt aralyǵynda bizdiń distribiýtorlar iri kólemde dári-dármekter jetkizýleri qajet.40 mln astam dári daiyn bolýy kerek», - dedi ákim «Almaty» telearnasyndaǵy Akimat LIVE tikelei efirinde.
Ákimniń aitýynsha, qazirdiń ózinde qalaǵa 32 mln qorap dári-dármek jetkizilgen.
«Bizde birtutas júie bar, oǵan sáikes 325 dárihana baqylanady. Biz qai jerde jáne qansha dári qalǵanyn únemi qadaǵalap otyramyz. Qazir qoimada 18,5 mln dári bar. Biz dári tapshylyǵyna jol bermeimiz», - dedi qala basshysy.
