Almaty qalasynyń ákimi Baqytjan Saǵyntaev kásipqoi boksshy Qanat Islamdy jeńisimen quttyqtady, - dep habarlaidy «Ult aqparat».
«Qanat Islamnyń titýldyq jekpe-jegi jeńispen aiaqtaldy. Qanat birinshi orta salmaqtaǵy WBO International belbeýi úshin namibiialyq boksshy Ýolter Kaýtondokvamen judyryqtasty. Ońaiǵa soqpaǵan 10 raýndtyq jekpe-jek pen jankúierlerdiń tolqynysy. Biraq Qanat jeńiske degen jigeri men qaitpas qaisar minezin kórsete bildi. 27-jeńis qutty bolsyn, Chempion!» dep jazdy Saǵyntaev instagramdaǵy paraqshasyna.
Keshe Almatydaǵy Balýan Sholaq atyndaǵy sport jáne mádeniet saraiynda ótken kásibi boks keshiniń basty jekpe-jeginde qazaqstandyq boksshy Qanat Islam (26-0, 21 KO) men Namibiiadan kelgen Valter Kaýtondokva (18-1, 17 KO) ringke shyqqan bolatyn.
10 raýndqa sozylǵan jekpe-jekte tóreshilerdiń sheshimimen Qanat jeńiske jetti.
