Almaty qalalyq «Baqytty otbasy» ortalyǵynyń basshysy Zýlfiia Baisaqova onlain brifing barysynda kópbalaly analarǵa qoldaý kórsetý sharalary týraly aityp berdi, dep habarlaidy QazAqparat.
«Biylǵy 15 qańtarda «Baqytty Otbasy» qalalyq ortalyǵynyń qyzmetin júzege asyrý maqsatynda «Daǵdarys ortalyqtarynyń odaǵy» zańdy tulǵalar birlestigimen kelisim-shart jasaldy. Biylǵy jyldyń 7 aqpanynan bastap aýdandyq Ortalyqtardyń qyzmetin júzege asyrý úshin «AQ-ALEM – Analardyń quqyǵyn qorǵaý» QQ-men (Alataý aýdany), «Bilim berý tehnologiialary men bastamalary qory» QQ-men (Almaly aýdany), «Asyl Júrek bilimdi, densaýlyq saqtaýdy, mádeniet jáne sportty qoldaý ortalyǵy» QQ-men (Áýezov aýdany), «Keńes» MQB-men (Bostandyq aýdany), «Ziialylar» QQ-men (Jetisý aýdany), «ISKER qoldaý Ortalyǵy» QQ-men (Medeý aýdany), «Qazaq-german baǵdarlamasy túlekteriniń qaýymdastyǵy» QB-men (Naýryzbai aýdany) jáne «Túrksib aýdandyq kóp balaly otbasylar odaǵy» QB-men (Túrksib aýdany) kelisimsharttar jasaldy»,- deidi Zýlfiia Baisaqova.
Ortalyqtarda kópbalaly jáne az qamtylǵan otbasylar kelesi mamandardyń keńesterin tegin túrde ala alady:
- zańgerlerdiń turǵyn úi qatynastary, AÁK tirkeý, qujattardy qalpyna keltirý, alimentter jáne t.b suraqtary boiynsha;
- psihologtardyń balalardy tárbieleý, treningter ótkizý, qiyn ómirlik jaǵdaidan shyǵý, otbasy ishindegi janjaldardy sheshý jáne t.b máseleler boiynsha;
- áleýmettik qyzmetkerlerdiń otbasynyń qajettilikterin anyqtaý, jeke jumys josparyn qurý jáne t.b;
- 2 aidan bastap 5 jasqa deiin balalardy qabyldaityn joǵary sanatty pediatr jáne balalardyń densaýlyǵyna bailanysty jii kezdesetin máseleler boiynsha profilaktikalyq áńgimeler (diareia, bezgek, qulaq, tamaq keselderi).
Sonymen qatar, «Baqytty Otbasy» ortalyqtarynda: (aǵylshyn tilin úirený, vizaj, massaj, shashtaraz, pishý jáne tigý, gimnastika, aspazdyq, toqyma, tigin sómkeleri, kompiýterlik biliktilik jáne t.b) kýrstar, túrli baǵyttar boiynsha balalarǵa arnalǵan úiirmeler (art-terapiia, gimnastika, matematika jáne logika, shahmat, aǵylshyn, toqý, logoped qyzmeti) kýrstary tegin túrde ótkiziledi.
«Osy ýaqytqa deiin «Baqytty otbasy» ortalyqtarynda 33 myńnan astam adam tirkelip, 54 myń adamǵa – aqparattyq-keńestik kómek jáne resýrstyq qoldaý kórsetildi, 29 myń adamǵa – ádistemelik jáne zańgerlik kómek, 4 myń adamǵa – salaýatty ómir salty bólmesiniń qyzmeti usynyldy. 29 myń adam – «Baqytty otbasy» ortalyǵynyń bazalyq treningterinen ótti, 20 myńnan astam adam oqytý kýrstaryna bardy», - deidi spiker.
