Shahar basshysy Baqyt Sultanov Ispaniianyń Effe teleradiokorporatsiiasyna suhbat berip, Nur-Sultan qalasynyń búgini men bolashaǵy týraly sóz qozǵady.
«Keshe ispandyq Effe teleradiokorporatsiiasy halyqaralyq is-shara aiasynda bergen suhbatymdy kórsetti. Pirenei túbegi men ispan tildi elderden kelýge niet bildirgen týrister biz týraly birshama málimet aldy dep oilaimyn. Nur-Sultan qalasynyń tanystyrylymy astanalyqtardyń bolashaqtaǵy tabysyna oń yqpal etetin bolady. Eń mańyzdysy, bas qalamyz arqyly búkil Qazaqstanǵa qyzyǵýshylyq artady», - dep jazdy B.Sultanov óziniń Feisbýk paraqshasynda.
Qala týraly tanystyrylymdy ákim «Welcome to Nur-Sultan, try the changes» (Nur-Sultanǵa qosh kelińizder, ózgeristerdi kórińizder!) degen sózben aiaqtady.
«Týrizm turǵysynan alyp qaraǵanda biz elimizdegi progressivti protsesterdiń barynsha paidaly jaǵyn qarastyrýymyz qajet dep oilaimyn», - dedi ákim.
Buǵan deiin habarlaǵanymyzdai, elorda ákimi Baqyt Sultanov Lissabonda ótken UNWTO-ǵa múshe elder qalalarynyń basshylary men týrizm ministrleriniń forýmyna qatysty. Dúniejúzilik týristik uiymnyń qalalyq týrizm boiynsha kelesi 8-shi jahandyq sammiti Nur-Sultan qalasynda ótedi.
