شاھار باسشىسى باقىت سۇلتانوۆ يسپانييانىڭ Effe تەلەراديوكورپوراتسيياسىنا سۇحبات بەرٸپ, نۇر-سۇلتان قالاسىنىڭ بٷگٸنٸ مەن بولاشاعى تۋرالى سٶز قوزعادى.
«كەشە يسپاندىق Effe تەلەراديوكورپوراتسيياسى حالىقارالىق ٸس-شارا اياسىندا بەرگەن سۇحباتىمدى كٶرسەتتٸ. پيرەنەي تٷبەگٸ مەن يسپان تٸلدٸ ەلدەردەن كەلۋگە نيەت بٸلدٸرگەن تۋريستەر بٸز تۋرالى بٸرشاما مەلٸمەت الدى دەپ ويلايمىن. نۇر-سۇلتان قالاسىنىڭ تانىستىرىلىمى استانالىقتاردىڭ بولاشاقتاعى تابىسىنا وڭ ىقپال ەتەتٸن بولادى. ەڭ ماڭىزدىسى, باس قالامىز ارقىلى بٷكٸل قازاقستانعا قىزىعۋشىلىق ارتادى», - دەپ جازدى ب.سۇلتانوۆ ٶزٸنٸڭ فەيسبۋك پاراقشاسىندا.
قالا تۋرالى تانىستىرىلىمدى ەكٸم «Welcome to Nur-Sultan, try the changes» (نۇر-سۇلتانعا قوش كەلٸڭٸزدەر, ٶزگەرٸستەردٸ كٶرٸڭٸزدەر!) دەگەن سٶزبەن اياقتادى.
«تۋريزم تۇرعىسىنان الىپ قاراعاندا بٸز ەلٸمٸزدەگٸ پروگرەسسيۆتٸ پروتسەستەردٸڭ بارىنشا پايدالى جاعىن قاراستىرۋىمىز قاجەت دەپ ويلايمىن», - دەدٸ ەكٸم.
بۇعان دەيٸن حابارلاعانىمىزداي, ەلوردا ەكٸمٸ باقىت سۇلتانوۆ ليسسابوندا ٶتكەن UNWTO-عا مٷشە ەلدەر قالالارىنىڭ باسشىلارى مەن تۋريزم مينيسترلەرٸنٸڭ فورۋمىنا قاتىستى. دٷنيەجٷزٸلٸك تۋريستٸك ۇيىمنىڭ قالالىق تۋريزم بويىنشا كەلەسٸ 8-شٸ جاھاندىق سامميتٸ نۇر-سۇلتان قالاسىندا ٶتەدٸ.
