Saýda jáne integratsiia ministri Baqyt Sultanov Dýbaida ótetin EKSPO-2020 kórmesindegi qazaqstandyq pavilonǵa qatysty aitty, dep habarlaidy QazAqparat.
«Biyl «EKSPO-2020 Dýbai» búkilálemdik kórmesi «Aqyldardy biriktire bolashaqty qurý» taqyrybyna arnalyp otyr. Qazaqstannyń pavilony AQSh, Shveitsariia, Italiia men Túrkiia elderiniń pavilondary turatyn «Múmkindikter» kesheninde ornalastyrylady. Osy kórme arqyly 2 million adam qazaqstandyq pavilonmen tanysady degen úmittemiz», - dedi Baqyt Sultanov búgin Saýda jáne integratsiia ministrliginiń keńeitilgen otyrysynda.
Dýbaidaǵy búkilálemdik kórme 2020 jyldyń 20 qazanynda bastalyp, 2021 jyldyń 10 sáýirine deiin jalǵasady.
Sonymen birge ministr biyl Qazaqstanda halyqaralyq deńgeide Dúniejúzilik saýda uiymynyń Ministrlik konferentsiiasy ótetinin málim etti.
«Konferentsiia DSU-nyń joǵary jetekshilik organy sanalady. Ol otyrys eki jylda bir márte ótedi. Osy konferentsiiaǵa DSU quramyndaǵy álemniń 160-qa tarta memleketinen delegattardy kútip otyrmyz. Sondai-aq ol konferentsiiaǵa 20 eldiń baqylaýshysy, halyqaralyq jáne úkimettik emes uiymdardyń músheleri keledi», - dedi Baqyt Sultanov.
