Pavlodar oblysynyń eks-ákimine qatysty appeliatsiialyq qaýlyǵa shaǵymdaný múmkin emes, dep habarlaidy Pavlodar oblystyq sotynyń baspasóz qyzmeti.
«Baqaýovqa qatysty qaýlysy ózgerissiz qaldy, al jeke qorǵaýshylardyń shaǵymy – qanaǵattandyrylmady», - dep málimdedi Pavlodar oblystyq sotynyń baspasóz hatshysy Ánel Qusanova.
«Appeliatsiialyq qaýly jariialanǵan kúnnen bastap, iaǵni 2020 jyldyń 22 qańtarynan óziniń zańdy kúshine enedi jáne ol shaǵymdanýǵa, prokýrordyń ótinishi arqyly qaita qaraýǵa jatpaidy», dedi oblystyq sot ókilderi.
Esterińizge sala ketsek, Bolat Baqaýov eki aiǵa qamaýǵa alyndy. Oǵan Qazaqstan Respýblikasy Qylmystyq Kodeksiniń 362 bap, Tórtinshi bólimi úshinshi tarmaǵy - laýazymdyq ókilettikterdi asyra paidalaný faktisi boiynsha aiyp taǵylyp otyr. Isti QR Bas prokýratýrasy baqylaýyna aldy.
Osyǵan deiin Pavlodar oblysynyń burynǵy ákimi Bolat Baqaýovtyń ustalyp, oǵan qylmystyq is qozǵalǵany jáne eki aiǵa qamaýǵa alynǵany týraly habarlandy.
QR Prezidenti Qasym-Jomart Toqaev ony qyzmetinen bosatty.
