AQSh irandyq Islam revoliýtsiiasy saqshylar korpýsynyń elitalyq jasaǵy jetekshisiniń orynbasary Abdýl Rezý Shahlaiǵa shabýyl jasap, shabýyl sátsiz aiaqtalǵan. Bul aqparatty New York Times jáne Washington Post gazeti jáne atyn atamaǵan amerikalyq sheneýnikter sózine silteme jasaǵan ABS habarlady.
Shahlai AQSh prezidenti Donald Tramptyń buiryǵymen Baǵdat áýejaiynda óltirilgen "Quds kúshteriniń" qolbasshysy Kasem Súleimanidiń orynbasary bolǵan. Ol bólimdi qarjylanyrý isine jáne negizgi áskeri operatsiialarǵa jaýapty sanalady. Jeltoqsan aiynda AQSh memlekettik departamenti onyń aktivteri, bailanysy men ainalasy týraly aqparat bergenderge 15 million dollarlyq syiaqy taǵaiyndaǵan.
Basylymnyń jazýynsha, Shahlaiǵa shabýyl Súleimani óltirilgen kún iaǵni, 3 qańtarda Iemende jasalǵan. Shahlai Iemende resmi bilikke qarsy kúresken shiittik ereýilshilerge qoldaý kórsetken. Bul topty Iran qoldaidy. ABC News jazýynsha, Shahlai jetekshiligimen kúzde ereýilshi-hýsitter álemdegi iri munai kompaniialarynyń biri Saudi Aramco zaýyttaryna shabýyl jasaǵan. Aq úi sonymen birge Shahlai 2011 jyly Vashingtonda AQSh-tyń Saýd Arabiiasyndaǵy elshisine shabýyl jasady deidi.
Pentagon aqparatqa bailanysty ázirge túsinikteme bermedi. Buǵan deiin kongrestiń ókilder palatasynyń spikeri Nensi Pelosi jáne birqatar demokrattar Súleimanige shabýyldy synaǵan. Islam revoliýtsiiasy saqshylar korpýsy AQSh-ta terroristik uiym dep tanylǵan.
