«Meniń tsifrlar týraly bilimim vaktsinanyń chipteý quraly ekenine senýge yryq bermeidi». Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin BAQ ókilderiniń saýalyna osyndai jaýap berdi, dep habarlaidy "Ult aqparat".
«Siz jaqynda koronavirýsqa qarsy vaktsina salǵyzdyńyz. Vaktsinatsiia jáne chipteý bir-birimen júretin parallel taqyryp ekenin bilesiz. Jaqynda vaktsina alǵan adam retinde, ekinshiden, tehnologiiaǵa tikelei qatysy bar adam retinde «chip salý» týraly ańyzdyń qanshalyqty negizdi ekenin aityńyzshy».
Baǵdat Mýsinge ortalyq kommýnikaýtsiialar qyzmetinde BAQ tarapynan osyndai saýal qoiyldy.
«Men mamandarǵa senemin. Qazir búkil álem tsifrlanǵan. Atom energetikasy paida bolǵan kezde onyń ainalasynda da ziiandylyǵy týraly alyp qashpa sóz kóp boldy. Iia, ol ziiandy, biraq adamzat kúresin toqtatqan joq qoi. Chip máselesi de osyǵan uqsas. Tsifrlandyrý damyp keledi. Sondyqtan adamdar alańdap otyr. Bizdiń Konstitýtsiiamyz ben zańdarymyz buǵan jol bermeidi. Álemniń eshbir elinde buǵan jol berilmeidi», - dedi vedomstvo basshysy.
Baǵdat Mýsin vaktsinanyń aǵzaǵa engiziletin suiyqtyq ekenin jáne ony sandyq quralǵa ainaldyrý ázirge fantastika dep oilaitynyn qosty.
«Meniń tsifrlar týraly bilimim vaktsinanyń chipteý quraly ekenine senýime negiz bermeidi», - dep túiindedi ministr.
