Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin jumys saparymen Shymkent qalasynda júr. Vedomstvo basshysy qalany tsifrlandyrý barysymen tanysyp, birqatar nysandardy aralady, dep habarlaidy "Ult aqparat".
Jumys sapary barysynda Baǵdat Mýsin qala ákimi Murat Áitenovpen kezdesip, Shymkenttiń tsifrlyq damý salasyndaǵy aǵymdaǵy jai-kúii men aldaǵy jylǵa arnalǵan josparlardy talqylady.
Ministrlik basshysy Kókbulaq turǵyn alabynda bolyp, turǵyndarmen kezdesip, bailanys qyzmetiniń sapasyn tekserdi.
Búgingi tańda Kókbulaqta WCDMA jáne LTE tehnologiialaryn paidalanatyn uialy bailanys operatorlarynyń bazalyq stantsiialaryna arnaiy antennalar ornatylǵan.
Jumys sapary barysynda qoǵamdyq qalalyq kólikte Ministrge elektrondyq biletteý júiesi tanystyryldy. Sonymen qatar, Baǵdat Mýsin jeke kompaniia men qala ákimdiginiń birlesken «Samokat Shering» jobasymen tanysty.
Ministr Silkway Halyqaralyq ýniversitetine baryp, onda Baǵdat Mýsinge «SMART Hub SILKWAY» IT-ortalyǵynyń «Aqyldy jaiaý júrginshi», 3D modeldeý, «Digital Shymkent», «Aqyldy Qúnbaǵys» jáne AntiCOVID jobalary tanystyryldy. Sondai-aq, óńirlik IT-ortalyqtyń Astana Hub halyqaralyq tehnoparkimen yntymaqtastyǵy talqylandy.
«Árbir óńirde IT-mamandardyń damýy mańyzdy. Túrkistan oblysy men Shymkent qalasynda IT-mamandardyń sany az, biraq talpynys bar.
Sol sebepti, bizdiń taraptan óńirlerde IT-mektepter ashatyn bolamyz», – dep atap ótti Baǵdat Mýsin.
Budan basqa, Ministr Shymkent munai óńdeý zaýytynda jáne «Sý resýrstary-Marketing» JShS-de boldy.
