Saqbol qosymshasyn uialy telefonǵa ornatý arqyly kornavirýs juqtyrý qaýpin azaitýǵa bolady, dep habarlaidy "Ult aqparat".
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Saqbol qosymshasynyń jumys printsipin túsindirdi.
«Saqbol – biz oilap tapqan nárse emes, halyqaralyq deńgeide sheshilgen nárse. Osy qosymshany júktep alǵan adam Saqbol-dy paidalanatyn basqa adamdarmen bailanysta bolsa, bir-birimen kod almasý arqyly signal beredi. Sol adamdardyń ishinen bireý erteń PTR-testten ótip, koronavirýs juqtyrǵanan anyqtasa, birneshe kún boiynda kontaktide bolǵan adamdarǵa aqparat beredi. «Sen sol ortada boldyń. Múmkindiginshe PTR-test tapsyryp, infektsiia juqtyrmaǵanyńa kóz jetkizip al» degen habar keledi. Biraq qosymsha naqty kimnen syrqat anyqtalǵanyn aitpaidy. Anonoimdi túrde sondai ortada bolǵanyńdy ǵana eskertedi», - dedi vedomstvo basshysy ortalyq kommýnikatsiialar qyzmetinde.
Eske salsaq, atalmysh sharada Baǵdat Mýsin vaktsinatsiia qashyqtan jazylýǵa múmkindik beretin eGov mobile qosymshasy týraly aitqan bolatyn.
