Saqbol قوسىمشاسىن ۇيالى تەلەفونعا ورناتۋ ارقىلى كورناۆيرۋس جۇقتىرۋ قاۋپٸن ازايتۋعا بولادى, دەپ حابارلايدى "ۇلت اقپارات".
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين Saqbol قوسىمشاسىنىڭ جۇمىس پرينتسيپٸن تٷسٸندٸردٸ.
«Saqbol – بٸز ويلاپ تاپقان نەرسە ەمەس, حالىقارالىق دەڭگەيدە شەشٸلگەن نەرسە. وسى قوسىمشانى جٷكتەپ العان ادام Saqbol-دى پايدالاناتىن باسقا ادامدارمەن بايلانىستا بولسا, بٸر-بٸرٸمەن كود الماسۋ ارقىلى سيگنال بەرەدٸ. سول ادامداردىڭ ٸشٸنەن بٸرەۋ ەرتەڭ پتر-تەستتەن ٶتٸپ, كوروناۆيرۋس جۇقتىرعانان انىقتاسا, بٸرنەشە كٷن بويىندا كونتاكتٸدە بولعان ادامدارعا اقپارات بەرەدٸ. «سەن سول ورتادا بولدىڭ. مٷمكٸندٸگٸنشە پتر-تەست تاپسىرىپ, ينفەكتسييا جۇقتىرماعانىڭا كٶز جەتكٸزٸپ ال» دەگەن حابار كەلەدٸ. بٸراق قوسىمشا ناقتى كٸمنەن سىرقات انىقتالعانىن ايتپايدى. انونويمدٸ تٷردە سونداي ورتادا بولعانىڭدى عانا ەسكەرتەدٸ», - دەدٸ ۆەدومستۆو باسشىسى ورتالىق كوممۋنيكاتسييالار قىزمەتٸندە.
ەسكە سالساق, اتالمىش شارادا باعدات مۋسين ۆاكتسيناتسييا قاشىقتان جازىلۋعا مٷمكٸندٸك بەرەتٸن eGov mobile قوسىمشاسى تۋرالى ايتقان بولاتىن.
