Baǵdat aýrýhanasyndaǵy órt saldarynan qaza tapqandardyń sany keminde 82 adamǵa jetti, taǵy 110 adam zardap shekken. Bul jaiynda Baghdad Al Youm jańalyqtar portaly Irak IIM resmi ókili, general maior Haled ál-Mihnaǵa siltememen málim etti, dep habarlaidy QazAqparat.
«Ibn ál-Hatyb aýrýhanasyndaǵy órt 82 adamnń ómirin jalmady, 110 adam, onyń ishinde patsientter de, peronaldar zardap shekti. Zardap shekenderdiń arasynda jaǵdaiy óte aýyr adamdar da bar», - delingen resmi ókildiń málimdemesinde.
Buǵan deiin senbiniń keshinde Baǵdat qalasyndaǵy koronavirýsqa shaldyqqan naýqastarǵa arnalǵan aýrýhanadan órt shyǵyp, saldarynan 45 adamnyń qaza tapqany habarlanǵan bolatyn.
Baǵdattyń ońtústik-shyǵysyndaǵy Ibn-ál-Hatyb aýrýhanasyndaǵy órttiń shyǵýyna onyń ekinshi qabatynda ornalasqan jansaqtaý bólimindegi ottegi ballondarynyń jarylýy sebep bolǵan. Ekiqabatty ǵimarat tolyq órtenip ketken. Órtti sóndirýge 30-ǵa jýyq jasaq jumyldyrylǵan. Kýágerlerdiń aitýynsha, órt bastalǵanda, dúrlikken adamdar ǵimarattan shyǵatyn jer izdegen. Azamattyq qorǵanys jáne tótenshe jaǵdailar qyzmetiniń sońǵy málimetteri boiynsha, sol kezde aýrýhanada shamamen 200 adam bolǵan.
Irak eliniń Premer-Ministri Mustafa ál-Kazymi oqiǵany jan-jaqty tergeýdi buiyrdy, búkil elde úshkúndik az tutý jariialanǵan. Aýrýhananyń bas dárigeri, qaýipsizdik qyzmetiniń bastyǵy jáne gospitaldiń tehnikalyq qaýipsizdigine jaýapty tulǵanyń ustalǵany belgili boldy.
