Sybailas jemqorlyqqa qarsy agenttik áleýmettik-korporatsiialar qyzmeti boiynsha 11 qylmystyq is qozǵady, dep habarlaidy inbusiness.kz.
Oljas Bektenov agenttiktiń biyl birqatar salaǵa taldaý júrgizgendigin qorytyndy alqa otyrysynda habarlady. Onyń ishinde kóliktik baqylaý, memlekettik-jeke menshik áriptestik, aqparattyq júielerdi engizý salalary da bar.
Áleýmettik-kásipkerlik korporatsiialardyń qyzmetinde sybailas jemqorlyq táýekelderi anyqtalǵan. Oǵan investitsiialyq jobalardy iske asyrý syltaýymen jer ýchaskelerin konkýrstan tys berý, affilirlengen tulǵalarǵa aktivterdi tómendetilgen qun negizinde satý kiredi.
"Azyq-túlik baǵasyn turaqtandyrý úshin bólingen 39 mlrd. teńge nátijesiz paidalanyldy. Nesieler úlestes kompaniialarǵa berilip, mindettemelerdiń oryndalýyna baqylaý bolmaǵan. Bul faktiler boiynsha memlekettik-jeke menshik áriptestiktiń laýazymdy tulǵalaryna qatysty 11 qylmystyq is tirkelip, shyǵyn kólemi 7 mlrd teńgeden asyp otyr. Áleýmettik-kásipkerlik korporatsiialardyń jumysynda biznesti damytýdy yntalandyrý, jeke sektormen qamtylmaǵan salalardy qoldaý qaǵidaty júzege asyrylmaidy. Olar depozitterden paiyz alý jáne múlikti satý arqyly paida tabady. Agenttik tarapynan áleýmettik-kásipkerlik korporatsiialardyń qyzmetin qaita qaraý úshin usynystar engizildi", - dep atap ótti Bektenov.
