Birikken Arab Ámirliginen kelgen «East West compani Ltd» kompaniiasy Shýchedegi kól mańynda kottedj qalashyǵyn salyp jatyr, dep habarlaidy "Ult aqparat".
«Óńirdiń bolashaǵy zor salalarynyń biri - týrizm indýstriiasyn damytý. Qazaqstannyń eń úzdik on týristik oryndarynyń birine jatatyn Shýche-Býrabai kýrorttyq aimaǵynda jumys úsh baǵytta jalǵasyp keledi: birinshiden, «AQBURA Resort» otbasylyq tiptegi kýrorttyń qurylysy (Úlken Chebache kóli, Tekekól, 233 ga, quny 100 mlrd teńge) júrip jatyr. Ekinshiden, Býrabai kentinde demalys jáne tabiǵi-mádeni mura ortalyǵy retinde «Promenade» jobasy (14 ga, quny 6 mlrd teńge) iske asyrylýda. Sonymen birge, Birikken Arab Ámirlikterinen kelgen investorlardyń qatysýymen Shýche kólinde kottedj qalashyǵynyń qurylysy júrgizilýde», - dedi OKQ-da ótken baspasóz máslihatynda Aqmola oblysynyń ákimi Ermek Marjyqbaev.
Aimaq basshysynyń aitýynsha, kottedj qalashyǵy 20 ga aýmaqty alyp jatyr. Jobanyń quny - 16,7 mlrd teńge.
«Álbette, bizdiń jergilikti atqarýshy organ retindegi basty mindetimiz - týristik aimaqtardy qajetti infraqurylymmen qamtamasyz etý jáne qyzmet kórsetý sapasyn jaqsartý. Injenerlik jáne jol infraqurylymynyń qurylysy Shýche-Býrabai kýrorttyq aimaǵyn damytý josparynyń bóligi retinde júzege asyrylady. Osy baǵytta biyl 5,3 mlrd teńge bólindi. Sondai-aq, Qyzmet jáne týrizm akademiiasymen birlesip, 48 stýdent Túrkiia otelderinde servistik qyzmet boiynsha tájiribe alyp jatyr», - dedi ol.
