QR Básekelestikti qorǵaý jáne damytý agenttigi baǵa ósimine qatysty ótinishterdi qabyldaý úshin Qazaqstannyń barlyq óńirinde «jedel jeli» ashty, dep habarlaidy QazAqparat.
Qazaqstandyqtar iri saýda jelileri men sýpermarketterdegi áleýmettik mańyzy bar tamaq ónimderine, sondai-aq gaz, benzin, dizel otynyna, taksi qyzmetteri men agregatorlar qyzmetterine baǵanyń joǵarylaý faktileri týraly habarlai alady.
Nur-Sultan qalasyndaǵy tamaq ónimderi boiynsha «jedel jeli»:
8 778 668 1841, 8 775 592 6169,
8 (7172) 75-04-65, 74-27-38
Nur-Sultan qalasyndaǵy suiytylǵan munai gazy, benzin, dizel otyny, taksi qyzmetteri men agregatorlar qyzmetteri boiynsha «jedel jeli»:
8 (7172) 74 99 14, 74-96-64, 74-34-01, 74-31-26, 74-90-52
Óńirlerdegi «jedel jeli»:
Almaty qalasy men Almaty oblysynda bailanystyń turaqsyzdyǵyna bailanysty Básekelestikti qorǵaý jáne damytý agenttiginiń Nur-Sultan qalasyndaǵy telefon nomerlerine habarlasý qajet.
«Básekelestikti qorǵaý jáne damytý agenttigi óz tarapynan naryq sýbektilerine baǵalardy belgileý jáne ustap turý (baǵalyq sóz bailasý), taýar óndirýdi ne ótkizýdi negizsiz shekteý, sondai-aq taýarǵa jasandy tapshylyq jasaý bóliginde ústem nemese monopoliialyq jaǵdaidy teris paidalaný faktileri QR ÁQBtK-niń 159-baby boiynsha saralanatynyn, shaǵyn nemese orta kásipkerlik sýbektileri úshin monopoliialyq kiris tárkilene otyryp, shaǵyn nemese orta kásipkerlik sýbektilerine nemese kommertsiialyq emes uiymdarǵa – monopolistik qyzmetti júzege asyrý nátijesinde alynǵan túsimniń – 3%, iri kásipkerlik sýbektilerine 5% mólsherinde aiyppul salýǵa ákep soǵatynyn eskertedi», - delingen vedomstvo habarlamasynda.
