Biylǵy Aziia oiyndary Indoneziianyń Djakarta qalasynda, 18 tamyz ben 2 qyrkúiek aralyǵynda ótedi, dep habarlaidy "Ult aqparat" Qazaqstannyń boks federatsiiasyna silteme jasap.
Atalǵan sport dodasynda 49 kelide - Temirtas Júsipov, 52 kelide - Azat Mahmetov, 56 kelide - Qairat Eraliev, 60 kelide - Samatáli Toltaev, 64 kelide - Bekdáýlet Ibragimov, 69 kelide - Aslanbek Shymbergenov, al 74 kelide Ábilhan Amankul el namysyn qorǵaityn bolady. Aita ketken jón, biylǵy Aziia oiyndaryna 81, 91 jáne 91 keliden joǵary boksshylar qatyspaidy.
«Osy jolǵy boksshylar quramasyn bapkerler keńesi bekitti. Sportshylardy irikteý kezinde QR Prezidenti kýbogy jáne basqa da týrnirlerdiń nátijesi eskerildi. Sondyqtan Aziia oiyndaryna eń myqty boksshylar barady. Ókinishke qarai, birneshe salmaq dárejesin qysqartty. Áitpese, dál sol salmaqtarda, kem degende eki medal alatyn edik. Degenmen, osy boksshylarmen biz 4-5 medaldy, sonyń ishinde eki altyndy alyp kelýge tiispiz», - deidi bas bapker Myrzaǵali Aitjanov.
