Almaty ákiminiń birinshi orynbasary Erlan Qojaǵapanov karantinniń qashan aiaqtalatyny týraly suraqqa jaýap berdi, dep habarlaidy "Ult aqparat".
«Biz ázirge karantinniń qashan aiaqtalatynyn aita almaimyz. Ol shtabtyń sheshimine bailanysty. Ózderińiz baiqap otyrsyzdar, elimizde infektsiia juqtyrý kórsetkishi ósip barady. Memleket basshysy óte mańyzdy sheshim qabyldady. Qazaqstanda 3,5 mln adam tabysynan airylyp qaldy. Olardy azyq túlikpen qamtýǵa, turaqtylyqty saqtaýǵa qarajat bólinip jatyr. Kóptegen kásiporyndar men jumys oryndary salyqtan bosatyldy», - dedi E.Qojaǵapanov.
Qala ákiminiń birinshi orynbasary qalalyq shtabtyń qalai jumys istep jatqanyn aitty.
«Kúnde qalalyq departament pen basqarma, arnaiy qyzmet ókilderinen quralǵan shtab bas qosady. Barlyǵy 46 adam jumyldyrylǵan. Qala ákimi, shtab basshysy Baqytjan Saǵyntaev birinshi kezekte qalanyń áleýmettik osal toptaryn qamtý jaily baiandamasyn tyńdaidy. Shtab halyqaralyq tájiribe men ishki ahýalǵa bailanysty sheshim qabyldaidy. Qala ákimi kúnde blokbeketter men karantin oshaqtaryn, emdeý oryndaryn aralaidy», - dedi ol.
