Búgin Indoneziia astanasy Jakarta qalasynda ótip jatqan Aziia oiyndarynda djiý-djiýtsýdan 62 kelide synǵa túsken Darhan Nortaev el qorjynyna tórtinshi altyndy saldy.
QR UOK-niń baspasóz qyzmeti málim etkendei, Darhan 1/8 finalda qyrǵyzstandyq Ábildabek Kekenovty 2:0 esebimen jeńse, kelesi ainalymda Birikken Arab Ámirlikteriniń sportshysynan 4:0 esebimen basym tústi.
Aqtyq synda Birikken Arab Ámirlikteriniń taǵy bir sportshysyn jeńgen Darhan Aziia chempiony atanyp, Qazaqstan qorjynyna tórtinshi altyn júldeni saldy.
