Qazaqstandyq djiý-djitsý sheberleri Nurjan Seidýáli men Nartai Qajekov Aziada oiyndarynyń qola júldegerleri atandy. Nurjan men Nartaidyń júldesimen Qazaqstan quramasynyń qola medaldar sany 21-ge jeti, dep habarlaidy QazAqparat tilshisi.
56 kelige deiingi salmaqta otandasymyz Ózbekstannan kelgen qarsylasy Aqmal Ámirovty tize búktirdi. Nurjan Seidýáli odan buryn filippindik jáne indoneziialyq jáne túrikmenstandyq qarsylastarynan basym túsken bolatyn. Al 69 kelige deiingi salmaqta Nartai Qajekov úshinshi oryn úshin beldesýde túrikmenstandyq Jálálmuhamet Hodjamýradovtan basym tústi.
Eske sala ketsek, búgin velosporttan jekelei synda qazaqstandyq Aleksei Lýtsenko jeńimpaz atanyp, úshinshi altyndy el qorjynyna salǵan bolatyn. Nátijesinde Qazaqstan quramasy Aziia oiyndaryndaǵy jalpy esepte Mońǵoliiany artqa syrǵytyp, 12-shi orynnan 11-shy orynǵa kóterildi.
Dál qazirgi esep boiynsha Qazaqstan enshisinde 3 altyn, 7 kúmis, 21 qola medal bar.
