Búgin Indoneziiada ótip jatqan Jazǵy Aziia oiyndarynda Qazaqstan qorjynyna 6-shy altyn medal tústi.
QR Ulttyq Olimpiadylq komitettiń baspasóz qyzmetiniń málimdeýinshe, búgin Djakartadaǵy jarysta karateden 68 kelide synǵa túsken Gýzaliia Ǵafýrova Aziia oiyndarynyń chempiony atanyp, el qorjynyna 6-shy altyn medaldy saldy.
Ol finalda qytailyq sportshy Tang Linglingti utyp ketti.
Esterińizge sala keteiik, Gýzaliia birinshi ainalymda ózbekstandyq qarsylasyn 3:0 esebimen jeńdi. Ekinshi ainalymda qazaqstandyq sportshy Iran ókilinen basym tústi.
Al jartylai finalda vetnamdyqpen kezdesken Ǵafýrova 8:5 esebimen jeńiske jetti. Aita keteiik, Qazaqstan quramasy Indoneziiada ótip jatqan Aziada-2018 oiyndarynyń jalpy qorytyndysy boiynsha 6 altyn, 8 kúmis jáne 28 qola medalmen jalpy esepte 11-shi oryndy saqtap tur.
