Búgin Úkimet otyrysynda QR Densaýlyq saqtaý ministri Ajar Ǵiniiat elimizdegi epidemiologiialyq jaǵdaiǵa boljam jasady, dep habarlaidy QazAqparat tilshisi.
«Ministrlik koronavirýstyń «Omikron» túriniń anyqtalǵanyn eskere otyryp, koronavirýs infektsiiasy boiynsha epidemiologiialyq jaǵdaiǵa boljam jasady. Optimistik stsenarii kezinde: revaktsinatsiiamen 100 paiyzǵa deiin qamtylǵanda, profilaktika sharalaryn jappai saqtaǵanda táýligine 17,5 myń 17,5 jaǵdaiǵa deiin tirkeledi», - dedi Ajar Ǵiniiat.
Onyń atap ótýinshe, realistik stsenariige sáikes revaktsinatsiiamen 70 paiyzdan az qamtylǵanda, profilaktika sharalaryn ishinara saqtaǵanda táýligine 25,5 myń jaǵdaiǵa deiin tirkeledi.
«Pessimistik stsenarii kezinde – revaktsinatsiiamen 40 paiyzdan az qamtylǵanda, profilaktika sharalaryn saqtamaǵanda táýligine 40 myńǵa deiin jaǵdai tirkeledi», - dedi ol.
