Dárigerler, meiirbikeler, sanitarlar – osylardyń barlyǵy adam ómiri úshin kúnde kúresetin adamdar. Koronavirýs bárimizdiń, ásirese, dárigerlerimizdiń ómirin ózgertti. Bizdiń ýaqytymyzdyń qaharmanynyń biri – №36 Qalalyq emhananyń mobildik brigadasynyń meńgerýshisi Iliias Saǵiev. Onyń ár kúni qońyraý shalýdan jáne koronavirýspen aýratyn patsientterdiń úiine baryp emdeýden bastalady, dep habarlaidy Almaty.tv.
Onyń basshylyǵymen pandemiia bastalǵaly beri emhananyń janynda qurylǵan 7 mobildik brigada jumys isteidi. Jas dáriger Iliias Saǵiev ýniversitetti támamdaǵannan soń osy emhanada ýchaskelik dáriger bolyp qyzmet etti. Pandemiia bastalǵannan beri ony mobildik brigadany basqarýǵa taǵaiyndady. Qazirgi ýaqytta Iliias qyzmetin jaqsy atqarýda.
– Iliias, jumys kúnińiz qalai jáne qashan bastalady?
– Meniń jumys kúnim tańǵy 8:00-den bastalady. Meniń laýazymdyq mindetime koronavirýspen aýratyn, olarmen bailanysqan patsientterdi ambýlatorlyq deńgeide júrgizý jatady. Úige barý arqyly biz patsientterdi bastapqy tekserisin júrgizemiz, aýrýdyń deńgeiin baǵalap, PTR-testke analizin alamyz, kórsetkishteri boiynsha patsientti KT jáne rentgenge jiberemiz. KVI analizi rastalǵan jaǵdaida emdeýdi taǵaiyndap, patsientti tolyqqandy emdeýdi bastaimyz. Qatty aýyrǵandardy statsionarǵa jatqyzamyz. Sondai-aq, bizdiń mobildik brigada patsientterdi filtr kabinetterde qabyldaidy. Jumys yrǵaǵyna qatysty aitatynym – demalys jáne mereke kúnderi de jumys isteimiz. Júkteme úlken, sebebi patsientter kóp. Aita ketetin jait, biz osy bir qaterli infektsiiamen kúresýdi úirendik, kóp tájiribe aldyq.
– Koronavirýs infektsiiasyn juqtyrý úreii boldy ma?
– Eń basynda, mundai úrei bárinde bolǵany ras, biraq qorǵanystyń barlyq qaǵidasyn oryndap saqtasa, juqtyrmaýǵa da bolady. Aitpaqshy, men jáne meniń otbasym KVI-men aýyrǵan emes. Búginde men vaktsina saldyrdym, ózimdi jaqsy sezinemin. Degenmen jaǵdaidy paidalana otyryp aitatynym – vaktsina alsańyz da KVI-den saqtanýdyń qarapaiym erejelerin oryndaý qajet. Ol – degenimiz, maska kiiý, kópshilik jinalatyn jerlerden aýlaq bolý jáne t.b.
– KVI-men aýratyn qansha patsient sizden ótti?
– Pandemiia bastalǵan kezeńnen beri bizde 689 patsient tirkelgen. Qazirgi kezde KVI diagnozy dáleldengen 71 patsientti baqylaýdamyz, onyń ishinde 5 balalar.
– Naýqastar sizdi tani ma?
– Tanidy dep aitsa da bolady. Biz olarǵa qorǵanys quraldaryn kiip barsaq ta, olar bizdi daýsymyzdan tanidy.
– Kúnine ortasha eseppen qansha shaqyrtý alasyzdar?
– Ortasha alǵanda bizde kúnine 20 shaqyrtý tirkelgen.
– Densaýlyǵy nashar patsientter boldy ma?
– Iia, ókinishke qarai, boldy. Mysaly, 88 jastaǵy patsient. Ol kiside rastalǵan KVI-dan basqa da qant diabeti, júrek jetkiliksizdigi sekildi aýrýlar anyqtaldy. Biz oǵan KT tekserisin jasadyq, nátijesinde ókpesiniń 75%-ǵa zaqymdanǵanyn kórsetti. Patsientimizge qansha jalynsaq ta, aýrýhanaǵa jatýdan bas tartty. Sol sebepti ambýlatorlyq túrde emdedik, kúnde úiine baryp, densaýlyǵyn baqylap otyrdyq. Sońynda patsientimiz emdelip shyqty, qazir ózin jaqsy sezindi.
– Áriptesterińizge aitar tilegińiz bar ma?
Men óz qyzmetimnen dárigerler men basqa meditsina qyzmetkerlerine patsientterdiń qamqorlyǵyn ýaiymdap emotsiiaǵa berilip ketetinin jáne de sol qamqorlyqqa eligip ketý sheshim qabyldaýǵa áserin tigizetinin jaqsy bilemin.
Dárigerlerimiz pandemiiany boldyrmaý úshin bárin jasap jatyr, al biz olarǵa kómek retinde úide otyrýymyz tiis ekenin aita ketkim keledi. Olar uiqysyn, demalys kúnderin qiyp, kúni-túni jumys isteýde, óitkeni biz virýsty jeńýimiz kerek!
