Ázerbaijannyń Memlekettik shekara qyzmetiniń «Gektepe» shekara jasaǵy men Jaǵalaý kúzeti bólimsheleriniń qyzmetkerleri Irannan Ázerbaijanǵa jiberilgen 102 kilogramm esirtki zatyn, psihotroptyq jáne kúshti áser etetin dári-dármekti tárkiledi, dep habarlaidy QazAqparat Trend saityna silteme jasap.
Ázerbaijannyń Memlekettik shekara qyzmetiniń habarlaýynsha, 11 qazan kúni Biliasývar aýdanynyń osy tektes aýylyna baratyn baǵyttaǵy memlekettik shekara mańaiynda 19 kilogramm esirtki zaty, psihotroptyq jáne kúshti áser etetin dári-dármek tabylyp, tárkilengen.
Odan bólek, sol kúni saǵat 20:40 shamasynda shekara qyzmeti shekara beketiniń qyzmettik ýchaskesinde Irannan kelgen úsh belgisiz adamnyń Ázerbaijannyń memlekettik shekarasyn kesip ótkenin anyqtaǵan. Shekara qyzmeti qolynda sport sómkesi bar adamdy ustady, alaida qalǵan eki kúdikti qolyndaǵylaryn tastap keri qarai ótip, jasyrynǵan.
Ustalǵan adam Irannyń azamaty Shamhýgaddam Djafar Hasan (1988 jylǵy) bolyp shyqty. Tekserý kezinde shekara qyzmeti onyń sómkesi men túiinshekterden 35 kilogramm esirtki zatyn, psihotroptyq jáne kúshti áser etetin dári-dármek tárkiledi.
Sonymen qatar 12 qazan kúni Ázerbaijannyń Shekara qyzmetiniń kúzetshi kemesi teńizden kúmándi túiinshekti baiqady. Tekseris kezinde 47 kilogramm esirtki zaty, psihotroptyq jáne kúshti áser etetin dári-dármek tabyldy.
Atalǵan faktiler boiynsha jedel-tergeý sharalary júrip jatyr dep habarlandy.
Eske sala keteiik, bul 2021 jyldyń basynan bergi osyndai birinshi jaǵdai emes. 20 qyrkúiek kúni Ázerbaijannyń Biliasývar kedendik beketinde «himikattar men qurǵaq qospalardy» Irannan Latviiaǵa tasymaldaýshy júk kóligi kedendik tekseriske tústi. Qyzmettegi it júk kóliginiń tirkemesine qarai úre bastady, soǵan bailanysty egjei-tegjaili tekseris boldy. Nátijesinde 10 litrlik 105 metall qutydan suiyq pishinde geroin saqtalǵan paketter tabyldy. Tárkilengen geroinniń salmaǵy 527,6 kilogramm boldy.
Odan bólek, 14 maýsym kúni Ázerbaijannyń Memlekettik shekara qyzmeti Iranmen ortaq shekarada 154,5 kilogramm esirtki tárkilengeni týraly málimdedi.
