Ońtústikkoreialyq Kim Iong A Qazaqstan azamattyǵyn aldy jáne ol Phenchhanda ótetin Olimpiada 2018 oiyndarynda bizdiń eldiń atynan óner kórsetedi. Kim - short-trekten Qazaqstan áielder quramasynyń úmiti. Bul týraly "Habar-24" habarlady.
Konki sportyna qyz bala tórtinshi synyptan qyzyqqan. Keiinirek Koreianyń jáne Aziianyń eń úzdik sportshysy atandy. Bizdiń elge onyń burynǵy bapkeri shaqyrǵan, ol Qazaqstan quramasyn jattyqtyrady. Qyzdyń ata-anasy azamattyq aýystyrýǵa oń kózben qaraǵan.
"Qazirgi ýaqytta kez kelgen adam ózine unaǵan eldiń azamattyǵyn alýyna bolady. Sen ózińdi sol elde sportshy retinde qalyptastyra alsań - bul tamasha. Men Qazaqstan halqynyń meiirimdi ári jaqsy turatynyn bilemin. Úlken territoriia adamdarǵa bostandyq beredi. Koreiamen salystyrǵanda onda aýa taza", - deidi sportshy qyzdyń ákesi Kim Djong Gon.
Qazaqstan quramasynda Kim Iong A-ǵa jańa esim berildi - Áliia (Áliia Moldaǵulovanyń qurmetine). Astanada turǵan úsh jyldyń ishinde koreialyq qyzǵa qazaq taǵamdary unaǵan, qazirgi ýaqytta ol qazaq tilin meńgerip jatyr. Qazaqstanda 40 gradýstyq aiazdar men tizeden keletin qarǵa tańǵalǵan.
"Koreiada muz alańdary Qazaqstanǵa qaraǵanda áldeqaida sýyq. Bul jattyǵýǵa yńǵaily. Men Phenchhanda ótetin Olimpiadada jeńý úshin barymdy salamyn. Bul meniń ómir boiy turǵan jerim, aýa raiyn jaqsy bilemin jáne taǵamy da men úshin úirenshikti", - dedi short-trekten Qazaqstan quramasynyń múshesi.
