Azamattardyń kepilsiz tutynýshylyq nesiesin keshirý aktsiiasy ýaqytpen shektelmegen. Ortalyq kommýnikatsiialar qyzmetinde ótken baspasóz konferentsiiasynda QR Eńbek jáne halyqty áleýmettik qorǵaý vitse-ministri Svetlana Jaqypova osyndai málimet aitty, dep habarlaidy QazAqparat.
«Bul - bir joldyq aktsiia. Iaǵni, jalpy bereshek somasy 2019 jyldyń 1 maýsymyndaǵy jaǵdai boiynsha 3 million teńgeden aspaýǵa tiis. Maýsym aiynda osy jańalyqty esti salyp bankten nesie alǵandar bul tizimge kirmeidi. Ondai azamattar boldy. Qabyldaýǵa kelgenderdiń arasynda da biren-saran azamat boldy. Al tizimge enbei qalǵandar, ózin atalmysh 5 sanatqa jatamyn dep esepteitin azamattar bizge qujattarymen birge ótinishin ótkizýi kerek. Iaǵni, aktsiia qandai da bir ýaqytpen shektelmegen. Bul turǵyda azamattardyń alańdaýyna negiz joq», - dedi vitse-ministr.
Onyń aitýynsha, QR Bilim jáne ǵylym ministrliginiń aqparattyq júiesinde 4 myńnan astam jetim bala men kámelettik jasqa tolǵanǵa deiin ata-analarynan aiyrylǵan 29 jasqa tolmaǵan jastar týraly málimet joq.
«Eger tizimde bolmasa, azamattar QR Eńbek jáne halyqty áleýmettik qorǵaý ministrliginiń bazasynda jumys isteitin call-ortalyqqa júgine alady. Uialy telefon arqyly 200-dei adam maǵan tikelei shyǵyp, ózderiniń tizimge enbei qalǵanyn habarlady. Ol kisilerge naqty túrde kómektesýge tyrysyp jatyrmyz. Al ótken aptanyń seisenbi-beisenbi kúnderi ǵana 120 kisi qabyldaýǵa keldi», - dedi Svetlana Jaqypova.
Call-ortalyq telefondary: 111, 74-32-20,75-01-79,75-01-78.
