Ortalyq kommýnikatsiialar qyzmetiniń alańynda sóz sóilegen IIM Ákimshilik politsiia komiteti tóraǵasynyń orynbasary Serik Túsipovtyń aitýynsha, Qazaqstanǵa Armeniiada tirkelgen 22 myń avtokólik Qazaqstan azamattaryna ákelingen.
IIM ókiliniń aitýynsha, Memleket basshysynyń tapsyrmasyn oryndaý aiasynda 20 mamyrda Úkimet Armeniiadan qazaqstandyqtar ákelgen avtomobilderdi tirkeý tetikterin iske asyrý týraly Úkimet Qaýlysyn qabyldady.
Spiker atap ótkendei, azamattardy tirkeý sharttary "adal". Osy qaýly aiasynda Armeniiadan avtomobilderdi tirkeý kezinde birqatar mańyzdy tólemderdi tóleý talap etilmeidi. Iaǵni, bastapqy tirkeý, kádege jaratý jáne kedendik bajdar úshin alymdar tólenbeidi.
«Avtokólikti tirkeý úshin: tehnikalyq pasport pen memlekettik nómir úshin tirkeý alymy men baj salyǵyn tóleýge – barlyǵy 12 myń teńge, onyń ishinde tirkeý úshin alym – 695 teńge, tehnikalyq pasport úshin baj – 3 473 teńge, memlekettik nómir úshin – 7 778 teńge;
jeke basyn kýálandyratyn qujattardy jáne avtokólikke notarialdy kýálandyrylǵan aýdarmasymen usyný;
Armeniiada avtokólikke berilgen tehpasport pen memlekettik nómirdi merzimsiz saqtaýǵa tapsyrý», - dep túsindirdi IIM Ákimshilik politsiia komiteti tóraǵasynyń orynbasary Serik Túsipov.
