Foto: toppress.kz
Ekinshi dúniejúzilik soǵysqa qatysty derekterde áli belgisiz, biraq óte mańyzdy faktiler bar. Qazaqstandyq partizandardyń Frantsýz Qarsylasýyndaǵy erligin búginde eki respýblikanyń tarihshylary men diplomattary zerttep jatyr. Bul týraly Ult.kz saity toppress.kz tilshileriniń maqalasyna silteme jasap habarlaidy.
Professor Gúlnár Meńdiqulovanyń aitýynsha, Frantsiiada fashizmmen kem degende myń qazaqstandyq kúresken. Biraq olardyń naqty sany áli belgisiz.
Foto: toppress.kz
Búgin general Sharl de Goll eskertkishinde alǵash ret gúl shoqtaryn qoiý jáne qaza tapqandardy medaldarmen marapattaý rásimi ótti. Atalǵan medalmen qazaqstandyq jaýyngerlerdiń úsh otbasy ie boldy. Frantsiianyń Qazaqstandaǵy Tótenshe jáne Ókiletti Elshisi Silvan Giogeniń qolynan Qabysh Omarov, Kadem Jumaniiazov jáne Áshimbek Istybaevtyń urpaqtary marapattarǵa ie boldy.
Maidangerdiń uly Ǵabiden Omarov Frantsiiadaǵy sherýde Besinshi Respýblikanyń Tuńǵysh Prezidenti Sharl de Golldiń Qabysh Omarovqa jeke alǵysyn bildirip, ony Jaýyngerlik Krest ordenimen marapattaǵanyn aitty.
Foto: toppress.kz
Silvan Giog myrzanyń aitýynsha, Ońtústik Frantsiiadaǵy natsizmmen kúreske qatysqan qazaqstandyq jaýyngererdi resmi marapattaý elimizde alǵash ret ótti:
"Búgin biz elderimiz arasynda tarihtyń ortaq tamyry bar ekenin túsinemiz. Biz Frantsiiany natsizmnen azat etýge qatysqany úshin Qazaqstan halqyna alǵys aitamyz", -dedi ol.
Foto: toppress.kz
Is – sharaǵa Qazaqstan Syrtqy ister ministriniń orynbasary Roman Vasilenko, Qorǵanys ministriniń birinshi orynbasary-Bas shtab bastyǵy, general-leitenant Sultan Kamaletdinov, diplomattar, jaýyngerlerdiń týystary men tarihshylar qatysty.
