Májilis depýtaty Aijan Ysqaqova Batys Qazaqstan oblysynda «Bókeiorda» memlekettik tabiǵi rezervatyn qurý jobasy nege toqtap qalǵanyn surap, Úkimetke saýal joldady, dep habarlaidy "Ult aqparat".
Úkimet basshysynyń orynbasary Eraly Toǵjanovtyń atyna joldanǵan saýalda Bókeiordanyń ekologiialyq ahýaly sóz bolǵan.
Májilismen Batys Qazaqstan oblysynda «Bókeiorda» memlekettik tabiǵi rezervatyn qurý jobasy aiaqsyz qalǵanyna alańdaýly. Ol rezervat qurý arqyly Batys Qazaqstanda joiylyp bara jatqan 9 túrli sútqorektiniń, sonyń ishinde Jaiyq kiikteriniń popýliatsiiasyn saqtaýǵa bolatyn edi dep otyr.
«Bókeiorda» memlekettik tabiǵi rezervatyn qurýdyń tehnikalyq-ekonomikalyq negizdemesin daiyndaý jónindegi is-sharalar QR Úkimetiniń 2010 jylǵy 10 qyrkúiektegi № 924 qaýlysymen bekitilgen. 2010-2014 jyldarǵa arnalǵan «Jasyl damý» salalyq baǵdarlamasyna engizildi. Alaida, tabiǵi rezervat qurýǵa baǵyttalǵan is-sharalar belgisiz sebeptermen toqtatyldy. Ekologiia, geologiia jáne tabiǵi resýrstar ministrliginiń 2021-2023 jyldarǵa arnalǵan biýdjettik baǵdarlamasynda da bul jumysty qarjylandyrý qarastyrylmaǵan» - deidi depýtat.
Májilismenniń málimetine sensek, irgedegi Reseidiń Volgograd oblysynda qysqa merzimde IýNESKO-nyń kómegimen «Elton kóli» biosferalyq rezervaty qurylyp, jumysqa kirisken.
Resei tarapy endi Qazaqstanǵa IýNESKO aiasynda Batys Qazaqstan oblysynda men Volgograd oblystarynda transshekaralyq biosferalyq tabiǵi rezervat qurý jobasyn usynyp otyr.
«Joǵaryda aitylǵandardy eskere otyryp, Qazaqstan halyq partiiasynyń depýtattary «Bókeiorda» memlekettik tabiǵi rezervatyn qurýdy aiaqtap, qajetti biýdjet qarajatyn qarastyrý kerek dep sanaidy», - delingen depýtattyq saýalda.
