Qazaqstanda halyqaralyq deńgeide básekege qabiletti jeke JOO-lar barshylyq. Bul týraly QR Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Basty maqsat – joǵary oqý oryndaryndaǵy sapany kóterý. Bilim jáne ǵylym ministrligi JOO-lardy jeke nemese memlekettik dep bólmeidi. Sebebi memlekettik te, jekemenshik joǵary oqý ornynda da bilim berý sapasy tómen bolýy múmkin. Osy oraida oqý oryndary negizsiz jiktelip, osyndai kózqaras qalyptasqan edi. Bizde elde jáne halyqaralyq deńgeide básekege qabiletti jeke JOO-lar bar jáne olardy maqtan tutamyz», - dedi ministr Ortalyq kommýnikatsiialar qyzmetinde.
Osy oraida ol elimizdegi JOO-lar básekege qabiletti emes degen taptaýryn pikirdi umytý kerektigin atap ótti. Qazaqstandaǵy oqý oryndarynyń basym bóligi joǵary sapada bilim berýge qaýqarly bolyp otyr.
«Sondyqtan ministrlik jeke jáne memlekettik dep ózara bólmeidi. Bul turǵyda sapaly bilim berý qyzmetin usynatyn oqý orny jáne bilimdi tiisti deńgeide bere almaityn joǵary oqý orny dep qarastyramyz», - dedi Aimaǵambetov.
