Foto: primeminister.kz
Májiliste sý resýrstarynyń basqarylý tiimdiligine júrgizilgen aýditorlyq is-sharalardyń qorytyndysyn talqylaý kezinde depýtat Ashat Aimaǵambetov jerasty sýyn qazir qoldanbai, keler urpaqqa saqtaýdy usyndy, dep habarlaidy Kazinform agenttigi.
«Jerasty sýyn paidalaný boiynsha qandai strategiialaryńyz bar? Jerasty sýyn ashýǵa bolmaityn qor retinde ustaýymyz kerek dep esepteimin. Ony tek keler urpaqtyń paidalanýyna saqtaýymyz qajet», - dedi Májilis depýtaty.
Sý resýrstary jáne irrigatsiia ministri Nurjan Nurjigitovtiń aitýynsha, atalǵan máselelerdi Ulttyq gidrogeologiia qyzmetin qurý arqyly sheshý kózdelip otyr.
«Qazir bul qyzmet túrli memlekettik organdardyń quramynda shashyrańqy jumys istep jatyr. Biz sonyń bárin biriktirip, jumysyn júielendiremiz. 2024 jyly osy jumysty bastaimyz dep oilaimyn», - dedi ministr.
