QR Bilim jáne ǵylym ministri Ashat Aimaǵambetov vaktsinaǵa qatysty muǵalimderge úndeý jasady, dep habarlaidy "Ult aqparat".
«Densaýlyq saqtaý ministrliginiń bergen aqparatyna sáikes, qazirgi kezde vaktsina salǵandardyń 17 paiyzy muǵalimder. Vedomstvo bizge tiisti aqparatty berip otyr. Jalpy, muǵalimder vaktsinany óz erkimen aldy, eshkim májbúrlemeidi. Biraq ministr retinde, Qazaqstannyń azamaty retinde áriptesterimdi óz erkimen vaktsinany saldyrýǵa, ǵylymǵa senýine shaqyramyn», - dedi ministr Ortalyq kommýnikatsiialar qyzmetinde.
Onyń aitýynsha, bul qadamdar muǵalimniń óziniń qaýipsizdigine, mektepte oqyp jatqan balalardyń, ujym men otbasynyń qaýipsizdigine arnalyp otyr.
«Sondyqtan bizdiń sarapshylarǵa senip, vaktsinany der kezinde saldyryp, tiisti jaǵdai jasaidy dep úmittenemin», - dedi Aimaǵambetov.
