Búgin Úkimet otyrysynda Bilim jáne ǵylym ministri Ashat Aimaǵambetov Soltústik Qazaqstan oblysyndaǵy oqý oryndarynda qandai ózgerister bolatynyn aitty, dep habarlaidy "Ult aqparat".
«Tehnikalyq jáne kásiptik bilim berý boiynsha «Jas maman» jobasy aiasynda 2021 jyly 9 kolledjdi jabdyqtaimyz. 2025 jylǵa deiin jastardy kezeń-kezeńmen 100%-ǵa deiin kolledjderde aqysyz oqýmen qamtý josparlandy. Ol úshin qosymsha granttar beriledi», - dedi ministr.
Joǵary bilim salasyna toqtalǵan ministr, Memleket basshysynyń tapsyrmasyna sáikes M. Qozybaev ýniversitetinde Akademiialyq artyqshylyq ortalyǵy quralatynyn aitty.
«Qarajat innovatsiialyq zerthanalardy qurýǵa, bilim berý baǵdarlamalaryn jańartýǵa, halyqaralyq ǵylymi jobalarǵa qatysýdy qarjylandyrýǵa jáne basqa da baǵyttarǵa beriledi. Osy baǵytta biýdjetten 5 mlrd teńge bóliný josparlanýda. Sonymen birge ýniversitette respýblikalyq biýdjet esebinen 600 oryndyq eki jataqhanana salý úshin 4,3 mlrd teńge qarastyrylyp otyr. Buǵan qosa, qoldanystaǵy úsh jataqhanada 2,2 mlrd teńgege jáne bes oqý ǵimaratynda 2,4 mlrd teńgege kúrdeli jóndeý júrgiziledi. Osyndai josparymyz bar. Sonymen osy ýniversitet tolyǵymen modernizaiiadan ótedi dep aita alamyz», - dedi A. Aimaǵambetov.
«Nazarbaev Ýniversitetiniń tájiribesi boiynsha eki óńirlik joǵary oqý ornyn qurý josparynyń aiasynda Petropavl qalasynda osyndai ýniversitet qurylatyn bolady. Bul ýniversitet álemniń úzdik ýniversitetterimen birge jańa bilim berý baǵdarlamalaryn iske asyryp, nátijesinde biz óńirlik zertteý ortalyǵyna ie bolamyz. Onda ozyq zertteý men ozyq bilim berý úshin jaǵdailar jasalady», - dep naqtylady vedomstvo basshysy.
Ministrlik oblys aýmaǵynda jumysqa turǵan «Serpin» baǵdarlamasy túlekteriniń eńbekpen óteý merzimin 2 jylǵa deiin azaitý boiynsha ózgerister engizýdi josparlap otyr.
Kórshi elderdiń joǵary oqý oryndarynan M. Qozybaev atyndaǵy ýniversitetine aýysatyn stýdentterge jyl saiyn arnaiy 200 bilim grantyn bólý máselesi qarastyrylyp otyr.
Sonymen birge M.Qozybaev atyndaǵy Soltústik Qazaqstan ýniversitetine stýdentterdiń kelýin yńtalandyrý úshin 2000 arnaiy grant bólinedi.
