Bilim jáne ǵylym ministri Ashat Aimaǵambetov mektepterge ádebi kitaptardy kóptep satyp alýdy júktedi, dep habarlaidy "Ult aqparat".
«Aldymen, mektepterdiń kitaphanalarymen jumys isteý – basty maqsattardyń biri bolýy kerek. Ekinshiden, ýniversitetterdiń kitaphanalary nazardan tys qalmaýy tiis. Ulttyq bilim berý derekter qorynyń (UBDQ) modýlin daiyndap berdik. Endi óńirlerdegi kitaphanalar osy qordy toltyrýy tiis. Biyldan bastap kelgen oqýlyqtarda QR-kodtar bolady. Sol arqyly qolmen toltyryp jatpai, biz aitqan bazaǵa oqýlyqtarǵa qatysty aqparattyń bári engiziledi», - dedi Ashat Aimaǵambetov Bilim jáne ǵylym ministrliginiń apparat otyrysynda.
Ministr qor arqyly ár oqýlyqtyń kimge berilgenin, onyń bar-joǵyn anyqtap otyrýǵa bolatynyn aityp ótti.
«Osy arqyly «oqýlyq jetpei qaldy» degen máseleden arylamyz. Sondyqtan tsifrlandyrý máselesin daiyndap, aiaqtaýymyz kerek. Endigi jumys – uiymdastyrý. Jalpy kórkem ádebiet týraly da sóz qozǵaǵan edik. Ádebiet oqityn jas býyndy mektepten qalyptastyrýymyz kerek deimiz. Biraq mektepterde shyny kerek, ádebi kitaptar jetkiliksiz kólemde satyp alynady. Sondyqtan kórkem ádebietti tiisti tizim boiynsha satyp alýdy retteý kerek. Jergilikti bilim basqarmalarymen osy jumys uiymdastyrylsyn», - degen Ashat Aimaǵambetov bul máseleni uiymdastyrýdy orynbasary Sholpan Qarinovaǵa tapsyrdy.
