Bilim jáne ǵylym ministri Ashat Aimaǵambetov ministrlikti eki vedomstvoǵa bólý týraly usynysqa qatysty pikir bildirdi, - dep habarlaidy Tengrinews.kz.
"Qazir bul sheshimdi óte tiimdi júzege asyrý mindeti tur, óitkeni bilim men ǵylym júiesiniń tiimdiligi - eń basty dúnie. Biz qajetti jumystardy atqaramyz", - dedi ministr.
Onyń aitýynsha, ministrlikti bólý týraly sheshim qazirdiń ózinde qabyldanǵan.
"Sheshimdi bárińiz estidińizder. Sheshim bar, aityldy, tiisti túrde qabyldandy. Endi osy sheshimniń oryndalýyn oilastyrý kerek. Bilim berý júiesi osydan paida kórýi kerek. Sondyqtan, qazir jumys isteimiz jáne jumys istep jatyrmyz.
Tiisti sheshimdi kim qabyldaitynyn naqty retteitin zańnama bar (ministrlikti bólý protsesi týraly - esk.). Bul rette Úkimet deńgeiinde jáne el basshylyǵy deńgeiinde ministrlikterdi qurýdyń qurylymy, naqty jobasy týraly sheshim qabyldanady. Sondyqtan tiisti deńgeide sheshim qabyldanyp, munyń bári odan ári jurtshylyq nazaryna jetkiziledi dep oilaimyn", - dep qosty Bilim jáne ǵylym ministrliginiń basshysy.
Aita keteiik, buǵan deiin Almatyda Ulttyq ǵylym akademiiasynyń 75 jyldyǵyna arnalǵan sessiiada sóz sóilegen Prezident Qasym-Jomart Toqaev Bilim jáne ǵylym ministrligin eki vedomstvoǵa bólýdi usyndy.
"Eldegi ǵylymi qyzmetti úilestirýdi kúsheitý úshin tiisti ministrlikti eki vedomstvoǵa bólý kerek dep esepteimin, onyń biri joǵary bilim jáne ǵylym máselelerimen ainalysady", - dedi Toqaev 1 maýsymda.
