Aýyldyq mektepte jumys isteitin muǵalimderge jalaqy tóleý júiesi jańartylady. Bul týraly QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Búgingi kúni shaǵyn jinaqtalǵan nemese shalǵaidaǵy mektepterimizdiń bilim berý sapasy tómen. Sonyń eń basty problemasynyń biri - bul, árine, ustazdardyń, mamandardyń jetispeýshiligi. Mysaly, kóp mektepte bir muǵalim 4-5 pánnen beredi. Sondyqtan sapa máselesi óte mańyzdy bolyp turatyndyǵy belgili. Bul problemany sheshý úshin aýyldyq mektepterdi qarjylandyrý, aýyldyq mektepte jumys isteitin muǵalimderge jalaqy tóleý júiesin jańartý boiynsha jumys júrgizý qajet», - dedi ministr pedagogtar men bilim jáne ǵylym salasy qyzmetkerleriniń respýblikalyq tamyz keńesi barysynda.
Onyń atap ótýinshe, ministrlik bul túitkildi sheshý úshin naqty jumystardy qolǵa alǵan.
«Qazir aýyldyq mektepterde jumys isteitin ustazdarǵa jalaqy tóleý júiesin jańartý boiynsha jumysty bastap jatyrmyz. Biylǵy oqý jylynda osy jumysty aiaqtaimyz dep sanaimyn», - dedi Ashat Aimaǵambetov.
