Rejisser Sergei Dvortsevoidyń «Aika» filmi «Oskar» syilyǵyna úmitkerler tizimine enip, «Úzdik sheteldik film» nominatsiiasyna usynylǵan, dep habarlaidy Oskar syilyǵynyń saity.
«Oskar» kinosyilyǵynyń «Úzdik sheteldik film» nominatsiiasyna 87 eldiń kinosy usynylǵan. Bul tizimge sondai-aq, Konstantin Habenskiidiń «Sobibor» kartinasy, Belarýs rejisseri Daria Jýktyń «Kristalnyi lebed» filmi kirgen.
«Úzdik sheteldik film» sanatyndaǵy syilyqqa úmitkerlerdiń qorytyndy tizimi 2019 jyldyń 22 qańtarynda jariialanady. «Oskar» syilyǵyn tabys etý rásimi 24 aqpanda ótedi.
Eske salaiyq, buǵan deiin Amerika kinematografiialyq óner jáne ǵylym akademiiasy «Oskar» syilyǵynyń direktsiiasy Qazaqstanǵa «Aika» filmin usynýǵa ruqsat bermegen edi. Bul máselede halyqaralyq talaptar óz yqpalyn tigizgen, iaǵni filmdegi akterlardyń 50 paiyzdan kóbi óndirýshi eldiń azamattyǵynda bolýy tiis.
