Qazaqstan Respýblikasy Úkimetiniń qaýlysymen Aigúl Amantaiqyzy Shaiymova basqa jumysqa aýysýyna bailanysty Qazaqstan Respýblikasynyń ulttyq ekonomika vitse-ministri qyzmetinen bosatyldy. Bul týraly "Ult aqparat" Premer-Ministrdiń baspasóz qyzmetine silteme jasap habarlaidy.
A. Shaiymova 1979 jyly Tselinograd oblysynda dúniege kelgen. L. Gýmilev atyndaǵy Eýraziia ýniversitetin, Qarjy politsiiasy akademiiasyn, RF Prezidenti janyndaǵy Resei halyq sharýashylyǵy jáne memlekettik qyzmet akademiiasyn támamdaǵan.
Ár jyldary QR Qarjy politsiiasy agenttiginde, Ekonomikalyq qylmysqa jáne sybailas jemqorlyqqa qarsy kúres agenttiginde, QR Bas prokýratýrasynda jumys istedi.
2016 jylǵy qyrkúiek aiynan bastap 2019 jylǵy shildege deiin Qazaqstan Respýblikasy Memlekettik qyzmet isteri jáne sybailas jemqorlyqqa qarsy is-qimyl agenttigi tóraǵasynyń orynbasary qyzmetin atqardy.
2019 jylǵy shildeden bastap Mádina Serikqyzy Júnisbekovanyń oqý demalysy kezeńinde Qazaqstan Respýblikasy ulttyq ekonomika vitse-ministri qyzmetin atqardy.
2020 jylǵy shilde aiynan bastap qazirgi ýaqytqa deiin QR ulttyq ekonomika vitse-ministri qyzmetin atqardy.
