Áielin uryp óltirdi dep aiyptalyp, qamaýda otyrǵan eks-ministr Qýandyq Bishimbaevtyń isi sotqa jiberildi, dep habarlaidy "Ult aqparat" jábirlenýshi taraptyń advokaty Janna Muhamadige silteme jasap.
“Isti Astana qalasynyń qylmystyq ister jónindegi mamandandyrylǵan aýdanaralyq soty qaraidy”, – dedi qorǵaýshy.
Buǵan deiin kúieýiniń qolynan qaza tapqan Saltanat Núkenovanyń aǵasy Aitbek Amangeldi QR Qylmystyq kodekstiń 99-babymen “asa qatigezdikpen adam óltirý” qylmystyq is qozǵalǵanyn málimdegen.
Aita keteiik, buǵan deiin burynǵy ulttyq ekonomika ministri Qýandyq Bishimbaev áieli Saltanat Núkenovany óltirdi degen kúdikpen ustalǵan. Keiinnen qylmysty jasyrdy degen aiyppen Saltanat Núkenova kóz jumǵan meiramhananyń direktory da tutqyndaldy.
Buǵan deiin Saltanat Núkenovanyń aǵasy Bishimbaev qaryndasyn qalai uryp jatqany týraly skrinshottar jariialaǵan bolatyn.
