Elordada zaiybymen janjaldasqan er adam eki táýlikke qamaýǵa alyndy. Bul týraly qalalyq politsiia departamenti baspasóz qyzmetinen málim boldy, dep habarlaidy "Ult aqparat".
«Keshki ýaqytta 102 arnasyna 45 jastaǵy er adamnyń alkogoldik ishimdikke masaiǵan kúiinde áieline balaǵat sóz aityp, psihologiialyq qysym jasap jatqany týraly habar kelip tústi. Belgili bolǵandai, bul adam osyǵan deiin ákimshilik jaýapkershilikke tartylǵan. Alaida onyń osy jaǵdaidan sabaq almaǵanyn baiqaýǵa bolady», - delingen politsiia habarlamasynda.
Atalǵan er adamǵa qatysty ákimshilik is qozǵaldy. Sot qaýlysymen ol eki táýlikke qamaýǵa alyndy.
Aita keteiik, jyl basynan beri otbasylyq turmystyq qatynastar salasynda politsiia tarapynan eki myńǵa tarta ákimshilik is qozǵaldy. 4724 qorǵaý nusqamasy berilip, sot tarapynan 249 adamnyń tártibine erekshe talap bekitildi. 215 adam qorǵaý nusqamasyn buzǵany úshin jaýapkershilikke tartyldy.
