Onlain formatta Qazaqstan Respýblikasy Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń otyrysy ótti, dep habarlaidy "Ult aqparat".
QR Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń tóraiymy Lazzat Ramazanova barlyq deńgeilerde otbasy institýtyn nyǵaitý máseleleri boiynsha tiimdi ózara is-qimyldy qalyptastyrýdyń mańyzdylyǵyn, sondai-aq azamattyq qoǵammen tyǵyz ózara is-qimyldyń qajettigin atap ótti.
«Otbasylyq jáne genderlik saiasat tujyrymdamasynda qoiylǵan maqsattar men mindetterge qol jetkizý úshin jaýapkershilik óńirlerdiń ákimderine júktelýi tiis. Bul baǵyttaǵy jumys naqty júrgizilý qajet. Otbasy institýtyn nyǵaitý máselesi Memleket basshysynyń nazarynda», - dep atap ótti Lazzat Ramazanova.
Ulttyq komissiianyń quramyn nyǵaitý maqsatynda Prezidenttiń 2021 jylǵy 19 naýryzdaǵy №536 Jarlyǵymen onyń quramyna jańa músheler - azamattyq qoǵam men kvazimemlekettik sektordyń belsendi ókilderi engizildi. Olar: «Ákeler Odaǵy» qoǵamdyq birlestikteriniń jetekshisi M.Aitmaǵanbet jáne «Talbesik» kóp balaly analar Odaǵynyń» jetekshisi L.Qojahmetova, Ulttyq kooperativter qaýymdastyǵynyń prezidenti Q.Shaih, Qazaqstannyń batys oblystaryndaǵy «ORTAQ» óńirlik áielder bastamalary Aliansynyń tóraiymy S.Salihova, jýrnalist D.Muqaev, «Damý» kásipkerlikti damytý qory» AQ Basqarma tóraiymy G. Bóribaeva, «KAZENERGY» Qazaqstan munai-gaz jáne energetika kesheni uiymdary qaýymdastyǵynyń atqarýshy direktory L.Ahmýrzina, «Qazposhta» AQ Qyzylorda oblystyq filialynyń direktory A.Ábibýllaeva. QR Prezidentiniń Keńesshisi M.Ákimjanova jáne qoǵam qairatkeri S.Tursynbekova Ulttyq komissiia tóraǵasynyń orynbasarlary retinde usynyldy.
Otyrysta Aqparat jáne qoǵamdyq damý ministrliginiń Qazaqstan Respýblikasyndaǵy 2030 jylǵa deiingi otbasylyq jáne genderlik saiasat tujyrymdamasyn iske asyrý jónindegi is–sharalar josparynyń ekinshi kezeńiniń oryndalý barysy týraly aqparaty tyńdaldy, sondai-aq «Qazaqstandyq otbasylar-2020» ulttyq baiandamasy tanystyryldy.
Memlekettik otbasylyq jáne genderlik saiasatty iske asyrýǵa baǵyttalǵan memlekettik áleýmettik tapsyrysty oryndaý týraly máseleler talqylandy. Lázzat Ramazanova granttyq qarjylandyrý aiasynda júzege asyrylyp jatqan jobalardy josparlaý tásilderin muqiiat qaraýdy usyndy.
Óńirlerde 31 «Januia», «Baqytty otbasy» otbasyn qoldaý ortalyqtarynyń qyzmetteri uiymdastyrylǵan. Ortalyqtar zańgerlik, bilim berý, densaýlyq saqtaý, áleýmettik qorǵaý, jumyspen qamtý jáne t.b. máseleler boiynsha keńes berý qyzmetteri kórsetiledi.
Áke institýtyn damytý maqsatynda balalar men jastardy tárbieleýde mańyzdy ról atqaratyn ákeler qozǵalysy belsendi damyp keledi. Búgingi tańda «Ákeler Odaǵy» RQB-niń 8 filialy Almaty qalasynda, Aqtóbe, Atyraý, Jambyl, Batys Qazaqstan, Qaraǵandy, Qostanai jáne Qyzylorda oblystarynda jumys isteidi. Bul baǵytta IýNFPA halyqaralyq uiymymen birqatar birlesken jobalar iske asyrylýda.
Otyrys qorytyndysy boiynsha ortalyq memlekettik jáne jergilikti atqarýshy organdarǵa birqatar usynystar berildi.
