Tanymal qazaqstandyq rejisser-dokýmentalist Qanat Beisekeev jelide jańa filmin jariialady. Lentanyń bas keiipkeri - boksshy Aida Satybaldinova, dep habarlaidy «SPORTINFORM» SAA.
Film «Lady Sparta». LA-daǵy kásibi áielder boksy» dep atalady. Onda ol óziniń ómirin, boksqa qalai kelgenin jáne aldaǵy josparlary týraly baiandaidy.
«Aida boksqa 25 jasynda kelgen, bul bokstaǵy mansab úshin úlken jas. Soǵan qaramastan, búginde ol AQSh-tyń kásibi ringterinde aiqasýda jáne barlyq beldikter men titýldardy jeńip alýdy armandaidy», - delingen video sipattamasynda.
«Áielder arasyndaǵy GGG» atanǵan Aida kásipqoi boksta alty kezdesý ótkizgen, onyń rekordy - 4-1-1, 1KO. Ol biylǵy shilde aiynda amerikalyq Selena Barriostan (5-0, 2KO) nokaýtpen jeńilip qalǵan edi. Biraq 31 jastaǵy qazaqstandyq boksshy 29 qyrkúiekte meksikalyq Veronika Valterramen ótken aiqasta ekinshi raýndta tehnikalyq nokaýtpen jeńiske jetti.
26 jastaǵy Qanat Baisekeev birqatar derekti filmderdiń avtory. Olardyń arasynda «Alysqa qatynaityn júrgizýshi», «Brýklindegi qazaq politseii» filmderi, sondai-aq AQSh azamattary asyrap alǵan qazaqstandyq balalardyń ómiri baiandalǵan «Bala» kartinasy bar.
