Foto: Tengrinews.kz/Turar Qazanǵapov
BI Group direktorlar keńesiniń tóraǵasy Aidyn Rahymbaev Nur-Sultandaǵy LRT jobasyn kompaniia esebinen demontajdaýdy usyndy, - dep habarlaidy Tengrinews.kz.
Rahymbaev Facebook-tegi jazbasynda Prezidenttiń Májilis otyrysynda sóilegen sózi unaǵanyn jazǵan.
Buǵan deiin Qasym-Jomart Toqaev LRT jobasy "infraqurylymdyq jobadan eldiń bedeline nuqsan keltiretin kúrdeli problemaǵa ainalǵanyn" aitqan bolatyn.
"LRT qurylysy infraqurylymdyq jobadan eldiń bedeline nuqsan keltiretin kúrdeli problemaǵa ainaldy. (...) Bul alǵashynan qate joba boldy, onyń ainalasynan jemqorlyqtyń jeli esti. Ońtaily sheshim qabyldaý kerek, buza salý aqsha men ýaqyttyń joǵalǵanyn bildiredi", - dedi Toqaev Májilis otyrysynda.
Prezident bul jobany qalai paidalanýdy anyqtaityn otandyq sáýletshiler men ýrbanisterdi shaqyrýdan basqa amal qalmaǵanyn qosty.
