Foto: Akorda.kz
Aidyn Qulseiitov Prezident Ákimshiliginiń Áleýmettik-ekonomikalyq monitoring bóliminiń meńgerýshisi bolyp taǵaiyndaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysynyń ókimimen Aidyn Jeńisuly Qulseiitov Qazaqstan Respýblikasy Prezidenti Ákimshiliginiń Áleýmettik-ekonomikalyq monitoring bóliminiń meńgerýshisi bolyp taǵaiyndaldy, ol Qazaqstan Respýblikasy Prezidenti Ákimshiliginiń Strategiialyq josparlaý bóliminiń meńgerýshisi laýazymynan bosatyldy", - delingen Ókim mátininde.
Aita keteiik, Aidyn Qulseiitov 1976 jyly Óskemen qalasynda týǵan.
1997 jyly – Batys-Qazaqstan memlekettik tehnikalyq ýniversitetin; 2004 jyly – Qazaqtan Respýblikasy Prezidentiniń janyndaǵy Memlekettik qyzmet akademiiasyn aiaqtaǵan. Tehnika ǵylymdarynyń kandidaty.
1996-2000 jyldary – kommertsiialyq qurylymdarda jumys istegen.
2000-2003 jyldary – Óskemen qalasynyń Indýstriia, saýda jáne shaǵyn biznes basqarmasynyń Indýstriia jáne ekologiia bóliminiń bas mamany, bastyǵy.
2003-2004 jyldary – Qazaqstan Respýblikasy Prezidentiniń janyndaǵy Memlekettik qyzmet akademiiasynyń tyńdaýshysy.
2004-2008 jyldary – Qazaqstan Respýblikasy Indýstriia jáne saýda ministrliginiń Tutyný taýarlar bóliminiń bastyǵy, Ónerkásiptiń taý-ken jáne óńdeý salalary basqarmasynyń, Indýstrialdyq saiasat departamentiniń direktory, Hatshylyq – Strategiialyq josparlaý jáne jinaqy taldaý departamentiniń direktory, Qazaqstan Respýblikasy Energetika jáne mineraldyq resýrstar ministrliginiń Strategiialyq josparlaý jáne salaaralyq úilestirý departamentiniń direktory.
2008-2009 jyldary – Qazaqstan Respýblikasy Prezidenti Ákimshiliginiń Áleýmettik-ekonomikalyq monitoring bólimi meńgerýshisiniń orynbasary.
2009-2014 jyldary – «Ulttyq innovatsiialyq qor» AQ basqarma tóraǵasy (qaita uiymdastyrýdan keiin «Tehnologiialyq damý jónindegi ulttyq agenttik»).
2014-2017 jyldary – «Qazaqstandyq indýstriia damytý institýty» AQ-nyń basqarma tóraǵasy.
2017-2019 jyldary - Qazaqstan Respýblikasy Prezidenti Ákimshiliginiń Strategiialyq ázirlemeler jáne taldaý ortalyǵynyń meńgerýshisi.
2019 jylǵy 22 shildede Strategiialyq josparlaý bóliminiń meńgerýshisi bolyp taǵaiyndaldy.
Qazaq, orys, aǵylshyn tilderin meńgergen.
Qazaqstan Respýblikasynyń Qurmet gramotasymen marapattalǵan (2014).
