Álemdi dúr silkindirgen COVID-19 indetiniń bizdiń elimizde de beleń alýyna orai, biylǵy VII Respýblikalyq «Aibyn-2021» áskeri-patriottyq jiyny ótken jylǵydai onlain-formatta uiymdastyrylyp ótkiziletindigi belgili boldy. Atalǵan áskeri-patriottyq jiynnyń ótkizilýi qarsańynda Qazaqstan Respýblikasy Qarýly Kúshteri Qurlyq áskerleriniń «Astana» óńirlik qolbasshylyǵy 06708 áskeri bóliminiń «Jas zeńbirekshi» áskeri-patriottyq klýbynyń jetekshiligimen Qaraǵandy oblysy bilim basqarmasynyń Priozersk qalasy bilim bóliminiń «№1 jalpy bilim beretin mektebi» kommýnaldyq memlekettik mekemesinde erlik sabaǵy ótkizildi.
Koronovirýs infektsiiasyna qarsy sanitarlyq talaptardy saqtai otyryp, Respýblikalyq «Aibyn» áskeri-patriottyq jiyny taqyrybyna arnalǵan «Batyldyq! Eptilik! Myqtylyq!» atty erlik sabaǵyn mektep direktorynyń tárbie isi jónindegi orynbasary Medetov Nurjan Qasqyrbaiuly ashyp berdi. Aldymen «Jas zeńbirekshi» áskeri-patriottyq klýbynyń jetekshisi, Qazaqstan Respýblikasy Qarýly Kúshteriniń azamattyq personaly Kenjebekov Tilek Alshymbekuly sóz aldy. Bas qosqan ortada jetekshi T.Kenjebekov Respýblikalyq «Aibyn» áskeri-patriottyq jiynynyń tarihyna tereń úńilip, qandai maqsatta uiymdastyrylyp ótkiziletindigine kóńil bóldi. Óz oiyn odan ári órbitken klýb jetekshisi Tilek Alshymbekuly: «Qazaqstan Respýblikasynyń Prezidenti Qasym-Jomart Kemeluly Toqaev:«HHI ǵasyrdaǵy Qazaqstandy biik belesterge sizder siiaqty bilimi ozyq, oiy ushqyr jastar bastaý kerek»-degen bolatyn. Sondyqtan da, sizderge naǵyz óz Otanynyń shynaiy patrioty bolýy úshin sabaqty úzdikB baǵamen úlgerip, ónegeli tárbiemen bolashaqta Táýelsiz Qazaqstannyń sanaly azamaty bolyp qalyptasýǵa umtylý qajet!» -dep, sóilegen sózin qorytyndylady.
«Jas zeńbirekshi» áskeri-patriottyq klýbynyń tárbielenýshileri mektep oqýshylarynyń qatarynan jasaqtalǵandyqtan, erlik sabaǵyn ótkizý barysynda is-shara kýágerlerine Respýblikalyq «Aibyn» áskeri-patriottyq jiynyna qatysqan jáne mektep oqýshylarynyń jeńisti joldaryna arnalǵan estelik beinejazba kórsetildi. Estelik beinejazbada «Jas zeńbirekshi» áskeri-patriottyq klýbyna Respýblikalyq «Aibyn-2018» áskeri-patriottyq jiynynda alǵashqy jeńis syilaǵan Altynai Qalanbai, klýbtyń alǵashqy kapitany Nurhan Alshymbekov jáne 2019-2020 oqý jylyn «Altyn belgi» tósbelgisimen támamdaǵan ozat oqýshy, klýb tárbielenýshisi Sáýlet Isaevtyń esimderi qamtylǵan.
Atalǵan is-sharaǵa mekteptiń joǵarǵy synyp oqýshylary men «Jas zeńbirekshi» áskeri-patriottyq klýbynyń tárbielenýshileri tartyldy. «Batyldyq! Eptilik! Myqtylyq!» atty erlik sabaǵyn ótkizý barysynda 9 «a» synybynyń oqýshylary qatarynan Marjan Alshymbekova, Qaiyrjan Ergeshov, Ainur Oralhanova, klýb tárbielenýshilerinen Meirambek Abdýrahman men Bainazar Nazgúl asqan belsendilik tanytty.
Joǵary deńgeide uiymdastyrylyp ótkizilgen erlik sabaǵynyń qorytyndysynda mektep oqýshylary biraýyzdan onlain-formattaǵy VII Respýblikalyq «Aibyn-2021» áskeri-patriottyq jiynyna qatysatyn «Jas zeńbirekshi» áskeri-patriottyq klýbynyń tárbielenýshilerine sáttilik tiledi.
«Jas zeńbirekshi» áskeri-patriottyq klýbynyń
tárbielenýshisi Balaýsa Erǵalieva
Sýretti túsirgen: Dýman Qurmanǵaliev
Priazersk gornizonynyń baspasóz qyzmetiniń bastyǵy
